Dapi varga 30 onns possedel jeu nuorsas dalla tratga Zackel e sun aunc oz fetg incantaus da quella spezia. La nuorsa dalla tratga Zackel ei fetg effizienta, robusta, intelligenta e bu malvulenta.  

Demai ch’ei dat mo paucs possesurs da nuorsas da quella spezia en Svizra e perquei ch’il raz ei periclitaus dil murir ora, eis ei vegniu importau ils onns 2014, 2022 e 2024 animals giuvens da l'Austria (saung niev). Quels animals ein alura vegni reparti e brattai ora denter  possesurs e semultiplicheschan ussa cun pulit bien success.  

Cun igl appel sur mia home page hai jeu la speronza che dapli purs vegna attents sin quei raz tut spezial. Pertgei mo aschia pudein nus evitar che la nuorsa dil tratg Zackel miera ora.  

Sche Vus essas intressai e giavischeis informaziuns sur da quella tratga, astgeis Vus beugen contactar mei.  

Hans-Peter Weber 

possesur da nuorsas dil raz Zackel